Ամեն ինչ սկսվեց մի պարզ Facebook-յան խմբից։

Ժամանակին Excelist Training Center-ի (այն ժամանակ՝ Excelist Club) շուրջ ձևավորվեց Excel-ով հետաքրքրված մարդկանց օրգանիկ համայնք։ Այն արագ դուրս եկավ միայն Excel-ի շրջանակներից։ Արշավներ, բարեգործություններ, համատեղ նախագծեր․ այն դարձել էր կենդանի միջավայր՝ լցված իրական հետաքրքրությամբ և անմիջական շփմամբ։

Ժամանակի ընթացքում փոփոխվեց նաև Excelist Training Center-ը՝ դառնալով տվյալահեն կառավարման շուրջ կրթական և մասնագիտական հարթակ։

Հենց այդ ճանապարհին մենք տեսանք կարևոր բացեր։ Հայաստանում տարիներ շարունակ չկար միասնական հարթակ, որտեղ տվյալների վրա հիմնված որոշումներ կայացնող մենեջերներն ու վերլուծաբանները կարողանային անմիջականորեն շփվել՝ առանց ավելորդ ֆորմալության, բայց պահպանելով բարձր ինտելեկտուալ մակարդակ։

Այդ պահանջարկի պատասխանն ու մեր բնական զարգացման արդյունքն է դարձել Excelist տվյալահեն կառավարման մասնագիտական համայնքը։

Սա փակ և վստահելի միջավայր է, որտեղ միավորվում են անընդհատ աճով և որակյալ շփմամբ հետաքրքրված մասնագետները։ Այստեղ կարևոր է ոչ միայն ով ես, այլև՝ ինչ ես բերում քեզ հետ։ Այստեղ ձևավորվում են կապեր, որոնք հաճախ դուրս են գալիս էկրանից և դառնում իրական համագործակցություններ։

Այստեղ կրթությունն ու մասնագիտական աճը միաձուլվում են մարդկային ջերմ միջավայրի հետ։